ବର୍ତ୍ତମାନ ବାଂଲାଦେଶରେ ଭାରତ ବିରୋଧୀ ବାତାବରଣ ଦେଖିବାକୁ ମିଳୁଛି। ହିନ୍ଦୁମାନଙ୍କ ବିରୋଧରେ ବାଂଲାଦେଶରେ ହିଂସାତ୍ମକ ଆକ୍ରମଣ ହେଉଛି। ପାକିସ୍ତାନ ସହିତ ଘନିଷ୍ଠତା ବୃଦ୍ଧି ପାଉଛି। ଇସଲାମିକ ମୌଳବାଦ ବୃଦ୍ଧି ପାଉଛି। କିନ୍ତୁ ବାସ୍ତବତା ହେଉଛି ଯେଉଁ ବାଂଲାଦେଶରେ ଏବେ ହିନ୍ଦୁ ବିରୋଧୀ ହେବା ଫେସନ ହୋଇଯାଇଛି,ସେହି ଦେଶ ପ୍ରତିଦିନ ଦୁଇଜଣ ହିନ୍ଦୁଙ୍କୁ ସମ୍ମାନ ଦିଏ। କାରଣ ସେମାନେ ଯାହା କରିଛନ୍ତି ଆଉ କେହି କରିନାହାନ୍ତି।
ବାଂଲାଦେଶରେ ଦୁଇଜଣ ହିନ୍ଦୁଙ୍କ ଦ୍ୱାରା କରାଯାଇଥିବା ଦୁଇଟି ବଡ଼ କାମ ସେହି ଦେଶର ପରିଚୟ, ସାର୍ବଭୌମତ୍ୱ ଏବଂ ସମ୍ବିଧାନ ସହିତ ମଧ୍ୟ ଜଡିତ, ଯାହାକୁ ସେମାନଙ୍କୁ ପ୍ରତିଦିନ ସମ୍ମାନ କରିବାକୁ ବାଧ୍ୟ। ତେବେ ଆପଣ କଣ ଜାଣିଛନ୍ତି ସେହି ଦୁଇ ହିନ୍ଦୁ କିଏ ଓ ସେମାନେ ଏମିତି କଣ କରିଥିଲେ,ଯେଉଁଥିପାଇଁ ଏବେ ମଧ୍ୟ ବାଂଲାଦେଶ ସେମାନଙ୍କ ନିକଟରେ କୃତଜ୍ଞ। ଆସନ୍ତୁ ଜାଣିବା ସେହି ଦୁଇ ହିନ୍ଦୁଙ୍କ ବାବଦରେ ଯେଉଁମାନେ ବାଂଲାଦେଶକୁ ଦେଇଛନ୍ତି ତାହାର ପରିଚୟ।
ଜାତୀୟ ସଂଗୀତ ଓ ଜାତୀୟ ପତାକା ପଛରେ ଦୁଇ ଜଣ ହିନ୍ଦୁ
ବାଂଲାଦେଶର ଜାତୀୟ ସଙ୍ଗୀତ ଏବଂ ଜାତୀୟ ପତାକା ପଛରେ ଅଛନ୍ତି ଦୁଇ ଜଣ ହିନ୍ଦୁ।
ବାଂଲାଦେଶର ଜାତୀୟ ସଙ୍ଗୀତ ବଙ୍ଗଳା ଭାଷା ଏବଂ ସଂସ୍କୃତ ଶବ୍ଦର ମିଶ୍ରଣରେ ଗଠିତ, ଯାହାର ଶବ୍ଦ ହେଉଛି ..ଅମର ସୋନାର ବାଂଲା…ଏହା 1972 ମସିହାରୁ ବାଂଲାଦେଶର ଜାତୀୟ ସଙ୍ଗୀତ ଭାବେ ମାନ୍ୟତା ପାଇଛି। ସେହିପରି, ବାଂଲାଦେଶର ଜାତୀୟ ପତାକାର ମୂଳ ଡିଜାଇନ୍ ମଧ୍ୟ ଜଣେ ହିନ୍ଦୁ ଡିଜାଇନର୍ଙ୍କ ଦ୍ୱାରା ପ୍ରସ୍ତୁତ କରାଯାଇଥିଲା। ଯାହାକୁ କିଛି ପରିବର୍ତ୍ତନ ପରେ ବାଂଲାଦେଶ ଗ୍ରହଣ କରିଥିଲା।
ବାଂଲା ଜାତୀୟ ପତାକା
ବାଂଲାଦେଶର ଜାତୀୟ ପତାକା ବାଂଲାଦେଶୀ ଡିଜାଇନର୍ ଏବଂ ଭେକ୍ସିଲୋଗ୍ରାଫର ଶିବ ନାରାୟଣ ଦାସଙ୍କ ଦ୍ୱାରା ସୃଷ୍ଟି ହୋଇଥିଲା। ସେ ଜଣେ ଛାତ୍ର ନେତା ଥିଲେ। ପରେ ସେ ଜଣେ ଡିଜାଇନର ଏବଂ ଭେକ୍ସିଲୋଗ୍ରାଫର ଭାବେ କ୍ୟାରିୟର ଗଢିଥିଲେ। ଆପଣ ଯେଉଁ ବାଂଲାଦେଶର ପତାକାକୁ ଦେଖୁଛନ୍ତି, ଯାହାର ସବୁଜ ବର୍ଗକ୍ଷେତ୍ର ଭିତରେ ଏକ ବଡ଼ ଲାଲ ବୃତ୍ତ ଅଛି, ସେହି ଡିଜାଇନର ସୃଷ୍ଟିକର୍ତ୍ତା ଥିଲେ ଶିବ ନାରାୟଣ। ତେବେ ତାଙ୍କ ଡିଜାଇନରେ ପରେ କିଛି ପରିବର୍ତ୍ତନ କରାଯାଇଥିଲା।
୧୯୭୨ ମସିହାରେ ସେ ଏହି ପତାକା ଡିଜାଇନ୍ କରିଥିଲେ,ଯେଉଁଥିରେ ଲାଲ ବୃତ୍ତରେ ବାଂଲାଦେଶର ଏକ ହଳଦିଆ ମାନଚିତ୍ର ମଧ୍ୟ ଥିଲା, ଯାହାକୁ ପରେ ହଟାଇ ଦିଆଯାଇଥିଲା କାରଣ ପତାକାର ଉଭୟ ପାର୍ଶ୍ୱରେ ମ୍ୟାପ୍ ସମାନ ଦେଖାଯାଉନଥିଲା। ଦାସଙ୍କ ୧୯ ଏପ୍ରିଲ 2024ରେ ୭୭ ବର୍ଷ ବୟସରେ ଢାକାରେ ଢାକାରେ ଦେହାନ୍ତ ହୋଇଥିଲା।
ଏହି ପତାକା କଣ କୁହେ?
ସିଆଇଏ ୱାର୍ଲ୍ଡ ଫ୍ୟାକ୍ଟବୁକ୍ ଅନୁଯାୟୀ, ସବୁଜ ପୃଷ୍ଠଭୂମି ବାଂଲାଦେଶର ସମୃଦ୍ଧ କୃଷିକୁ ପ୍ରତିନିଧିତ୍ୱ କରେ, ଯେତେବେଳେ ମଝିରେ ଥିବା ଲାଲ ବୃତ୍ତ ସ୍ୱାଧୀନତା ସଂଗ୍ରାମରେ ବାଂଲାଦେଶୀମାନଙ୍କ ଦ୍ୱାରା କରାଯାଇଥିବା ବଳିଦାନର (ରକ୍ତ) ପ୍ରତୀକ।
ଟାଗୋରଙ୍କ ଜାତୀୟ ସଙ୍ଗୀତର ଉପହାର
ଦ୍ୱିତୀୟ ବିଶେଷ କଥା ଯାହା ଜଣେ ମହାନ ଭାରତୀୟ ହିନ୍ଦୁଙ୍କ ଅବଦାନ, ତାହା ହେଉଛି ବାଂଲାଦେଶର ଜାତୀୟ ସଙ୍ଗୀତ। ଏହା ଗୁରୁଦେବ ରବୀନ୍ଦ୍ରନାଥ ଟାଗୋରଙ୍କ ଦ୍ୱାରା ଲେଖାଯାଇଥିଲା। ୧୯୦୬ ମସିହାରେ ବଙ୍ଗ ବିଭାଜନ ସମୟରେ ଗୁରୁଦେବ ଏହା ଲେଖିଥିଲେ, ଯେତେବେଳେ ବ୍ରିଟିଶମାନେ ଧର୍ମ ଆଧାରରେ ବଙ୍ଗକୁ ଦୁଇଟି ଭାଗରେ ବିଭକ୍ତ କରିଥିଲେ। ଏହି ଗୀତଟି ବଙ୍ଗର ଏକୀକରଣ ପାଇଁ ଏକ ପରିବେଶ ସୃଷ୍ଟି କରିବା ପାଇଁ ଲେଖାଯାଇଥିଲା। ୧୯୭୨ ମସିହାରେ ବାଂଲାଦେଶ ସ୍ୱାଧୀନ ହେବା ପରେ, ଏହି ଗୀତର ପ୍ରଥମ ଦଶ ଧାଡ଼ିକୁ ବାଂଲାଦେଶ ନିଜର ଜାତୀୟ ସଙ୍ଗୀତ ଭାବରେ ଗ୍ରହଣ କରିଥିଲା।
ଗୁରୁଦେବ ରବୀନ୍ଦ୍ରନାଥ ଟାଗୋରଙ୍କ ନାମରେ ଏକ ବିରଳ ରେକର୍ଡ ରହିଛି। ତାହା ହେଲା ସେ ଏକମାତ୍ର କବି,ଯାହାଙ୍କ ଗୀତ ଦୁଇଟି ଦେଶର ଜାତୀୟ ସଂଗୀତର ମାନ୍ୟତା ପାଇଛି। ଦ୍ୱିତୀୟ ଦେଶର ନାମ ଆପଣ କମେଣ୍ଟ କରି ଆମକୁ ଜଣାନ୍ତୁ।
ଆମାର ସୋନାର ବାଂଲା ଗୀତ ପ୍ରଥମେ ସେପ୍ଟେମ୍ବର ୧୯୦୫ରେ ବଙ୍ଗଦର୍ଶନରେ ପ୍ରକାଶିତ ହୋଇଥିଲା, ଯେଉଁଥିରେ ବଙ୍ଗର ସୁନ୍ଦର ଭୂମିକୁ ବର୍ଣ୍ଣନା କରାଯାଇଥିଲା। ଏହା ଏକ ବଙ୍ଗାଳୀ ବିଚ୍ଛେଦ ଗୀତ, ଯାହା ବିଭିନ୍ନ ବଙ୍ଗାଳୀ ମାସ ଏବଂ ସେମାନଙ୍କର ୠତୁ ପରିବର୍ତ୍ତନକୁ ସୂଚିତ କରେ।
