ସୁସ୍ଥ ରହିବା ପାଇଁ ବ୍ୟାୟାମ ଏବଂ ପୋଷଣ ଯୁକ୍ତ ଖାଦ୍ୟ ସହିତ ସ୍ୱଚ୍ଛତା ବଜାୟ ରଖିବା ମଧ୍ୟ ଜରୁରୀ । ମହିଳାଙ୍କ ଠାରେ ଘଟୁଥିବା କେତେକ ଗମ୍ଭୀର ରୋଗର କାରଣ ହେଉଛି ସ୍ୱଚ୍ଛତା ସମ୍ବନ୍ଧୀୟ ସଠିକ ନିୟମ ବାବଦରେ ଅନଭିଜ୍ଞତା। ତେଣୁ ମହିଳାମାନେ ଶରୀରର ସ୍ୱଚ୍ଛତା ସମ୍ବନ୍ଧୀୟ ପାଞ୍ଚଟି ନିୟମ କୁ ଧ୍ୟାନରେ ରଖିବା ଉଚିତ ।
ବ୍ୟାକ୍ଟେରିଆକୁ ଦୂରେଇ ରଖିବା ପାଇଁ ପ୍ରତିଦିନ କେବଳ ହାତ ଧୋଇବା ଏବଂ ଗାଧୋଇବା ଯଥେଷ୍ଟ ନୁହେଁ। ସୁସ୍ଥ ରହିବା ପାଇଁ ଶରୀର ପରିଚ୍ଛନ୍ନତା ସହ ଜଡିତ ଅନ୍ୟ କିଛି ଅଭ୍ୟାସ ମଧ୍ୟ ଅତ୍ୟନ୍ତ ଜରୁରୀ । ବିଶେଷ କରି ପ୍ରତି ମାସ ଋତୁସ୍ରାବ ସମୟରେ ମହିଳାମାନେ ଶରୀରର ପରିଚ୍ଛନ୍ନତା ପ୍ରତି ଯତ୍ନବାନ ହେବା ଉଚିତ, ନଚେତ୍ ଚର୍ମ ସଂକ୍ରମଣଠାରୁ ଆରମ୍ଭ କରି ଅନେକ ରୋଗରେ ଆକ୍ରାନ୍ତ ହେବାର ଆଶଙ୍କା ବଢ଼ିଯାଇଥାଏ। ଗର୍ଭାଶୟ କର୍କଟ ମହିଳାମାନଙ୍କ ପାଇଁ ଏକ ବିପଜ୍ଜନକ ରୋଗ । ବିଶେଷଜ୍ଞଙ୍କ ମତରେ ସ୍ୱଚ୍ଛତାର ଉପଯୁକ୍ତ ଯତ୍ନ ନ ନେବା ଏହା ପଛର ମୁଖ୍ୟ କାରଣ।
ଶରୀରର ସ୍ୱଚ୍ଛତାଠାରୁ ଆରମ୍ଭ କରି ବ୍ୟକ୍ତିଗତ ସ୍ୱଚ୍ଛତା ପର୍ଯ୍ୟନ୍ତ କିଛି ଜିନିଷପ୍ରତି ଧ୍ୟାନ ନଦେଲେ ଚର୍ମ ଦାଗ ସମେତ ଅନେକ ରୋଗ ବ୍ୟାପିବାର ଆଶଙ୍କା ବଢିଯାଇଥାଏ । ତେଣୁ ମହିଳାମାନେ ବିଶେଷ କରି କିଛି କଥା କୁ ଧ୍ୟାନରେ ରଖିବା ଉଚିତ । ଜାଣନ୍ତୁ ଶରୀରର ସ୍ୱଚ୍ଛତା ବଜାୟ ରଖିବାର ସରଳ ନିୟମ ।
ଅତ୍ୟଧିକ ଟାଇଟ୍ ପୋଷାକ ପିନ୍ଧନ୍ତୁ ନାହିଁ
ଅଣ୍ଟା ତଳେ ପିନ୍ଧିଥିବା ପୋଷାକ ଯେପରିକି ପ୍ୟାଣ୍ଟ କିମ୍ବା ଇନୱେୟାର ଅଧିକ ଟାଇଟ୍ ହେବା ଉଚିତ୍ ନୁହେଁ। ଏହା କେବଳ ଆପଣଙ୍କୁ ଅସହଜ ଅନୁଭବ କରାଏ ନାହିଁ, ବରଂ ଏହା ଅତ୍ୟଧିକ ଝାଳ ମଧ୍ୟ ସୃଷ୍ଟି କରିଥାଏ, ଯାହା ଏବଂ ଜ୍ୱଳନ, ଚର୍ମରେ ଦାଗ, ସଂକ୍ରମଣ ସୃଷ୍ଟି କରିଥାଏ । ବିଶେଷ କରି ଋତୁସ୍ରାବ ସମୟରେ ଅତ୍ୟନ୍ତ ଆରାମଦାୟକ ପୋଷାକ ପିନ୍ଧିବା ଉଚିତ।
ଭୁଲରେ ବି ଓଦା ପୋଷାକ ପିନ୍ଧନ୍ତୁ ନାହିଁ
ଗାଧୋଇବା ପରେ ଶରୀରକୁ ଭଲ ଭାବରେ ପୋଛିବା ଅତ୍ୟନ୍ତ ଜରୁରୀ । ଅନେକ ସମୟରେ ଆମେ ତରବରିଆ ଭାବେ ଏପରି ପୋଷାକ ପିନ୍ଧିଥାଉ, ଯାହା ଆର୍ଦ୍ରତା କାରଣରୁ ତ୍ୱଚାରେ ବ୍ୟାକ୍ଟେରିଆ ସଂକ୍ରମଣ ସୃଷ୍ଟି କରିଥାଏ। ତେଣୁ ହାଲୁକା ଓଦା ପୋଷାକ ପିନ୍ଧିବାଠାରୁ ଦୂରେଇ ରୁହନ୍ତୁ।
ଠିକ୍ ସମୟରେ ପ୍ୟାଡ୍ ବଦଳାନ୍ତୁ
ଅନେକ ସମୟରେ ଋତୁସ୍ରାବ ସମୟରେ ମହିଳାମାନେ ଦିନସାରା ପ୍ୟାଡ୍ ରଖନ୍ତି, ଏହି ଭୁଲ ଚର୍ମ ସଂକ୍ରମଣ ଏବଂ ଅନ୍ୟାନ୍ୟ ରୋଗର କାରଣ ହୋଇପାରେ । ତେଣୁ ପ୍ରତି ୪ରୁ ୬ ଘଣ୍ଟାରେ ପ୍ୟାଡ୍ ବଦଳାଇବା ଅତ୍ୟନ୍ତ ଜରୁରୀ।
ସାବୁନ ବ୍ୟବହାର କରନ୍ତୁ ନାହିଁ
ରୋଗରୁ ବର୍ତ୍ତିବା ପାଇଁ ବ୍ୟକ୍ତିଗତ ସ୍ୱଚ୍ଛତା ପ୍ରତି ବିଶେଷ ଯତ୍ନ ନେବା ଉଚିତ । ତେବେ ଭୁଲରେ ବି ବ୍ୟକ୍ତିଗତ ସ୍ଥାନକୁ ସଫା କରିବା ପାଇଁ ସାବୁନ ବ୍ୟବହାର କରନ୍ତୁ ନାହିଁ । ଏହା ପିଏଚ୍ ସ୍ତରକୁ କ୍ଷତି ପହଞ୍ଚାଇଥାଏ ଏବଂ ତ୍ୱଚାରେ ଶୁଷ୍କତା, ସମସ୍ୟା ମଧ୍ୟ ସୃଷ୍ଟି କରିଥାଏ ।
