ମହମ୍ମଦ ୟୁନୁସଙ୍କ ନେତୃତ୍ୱାଧୀନ ଅନ୍ତରୀଣ ସରକାର ଉପରେ ବାଂଲାଦେଶ ସେନା ମୁଖ୍ୟ ୱାକର ଉଜ୍ ଜମାଁ କିଛି ଦିନ ହେବ ଅସନ୍ତୁଷ୍ଟ ଅଛନ୍ତି। ଜମାଁ ଅନେକ ସମୟରେ କେବଳ ଆଇନ ଶୃଙ୍ଖଳା ବ୍ୟବସ୍ଥାକୁ ନେଇ ପ୍ରଶ୍ନ ଉଠାଇନାହାନ୍ତି ବରଂ ଦେଶର ଭବିଷ୍ୟତ ଉପରେ ମଧ୍ୟ ସଙ୍କଟ ରହିଛି ବୋଲି କହିଛନ୍ତି । ଶେଖ୍ ହସିନାଙ୍କ ସରକାରର ପତନ ଏବଂ ମହମ୍ମଦ ୟୁନୁସଙ୍କୁ କ୍ଷମତାକୁ ଆଣିବାରେ ବାଂଲାଦେଶ ସେନା ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲା। ବିଗତ ଦିନମାନଙ୍କରେ ସେନାର ବର୍ତ୍ତମାନର ୟୁନୁସ ସରକାର ଉପରେ ବିଶ୍ୱାସ ହ୍ରାସ ପାଉଛି ବୋଲି ଦାବି ହେଉଛି । କୁହାଯାଉଛି ଯେ ୟୁନୁସ୍ ସେନା ମୁଖ୍ୟ ଜମାଁଙ୍କୁ ଅଣଦେଖା କରିବାକୁ ଚେଷ୍ଟା କରୁଛନ୍ତି ଏବଂ ଏହା ପଛରେ ପାକିସ୍ତାନର ହାତ ରହିଛି । ଜମାଁଙ୍କୁ ବାଦ୍ ଦେଇ ପାକିସ୍ତାନ ନିଜ ପସନ୍ଦର ଲୋକଙ୍କୁ ଗୁରୁତ୍ୱପୂର୍ଣ୍ଣ ପଦବୀରେ ବସାଇବାକୁ ଚେଷ୍ଟା କରୁଛି ବୋଲି ଦାବି ହେଉଛି। ନ୍ୟୁଜ୍ ୧୮ ରିପୋର୍ଟ ଅନୁଯାୟୀ ସେନା ମୁଖ୍ୟ ଓ ୟୁନୁସ୍ ସରକାରଙ୍କ ମଧ୍ୟରେ ସବୁକିଛି ଠିକ୍ ଠାକ୍ ନାହିଁ। ନିକଟରେ ପାକିସ୍ତାନର ଗୁଇନ୍ଦା ସଂସ୍ଥା ଆଇଏସଆଇ ମୁଖ୍ୟଙ୍କ ଢାକା ଗସ୍ତ ତାଙ୍କ ସମସ୍ୟାକୁ ଆହୁରି ବଢାଇଦେଇଛି । ଆଇଏସଆଇ ମୁଖ୍ୟ ବାଂଲାଦେଶରେ ଲେଫ୍ଟନାଣ୍ଟ ଜେନେରାଲ ମହମ୍ମଦ ଫୈଜୁର ରେହମାନଙ୍କୁ ଭେଟିଥିଲେ। ସେନାରେ ବରିଷ୍ଠତା ଦୃଷ୍ଟିରୁ ରହମାନ ଚତୁର୍ଥ ସ୍ଥାନରେ ରହିଛନ୍ତି। ଏହି ବୈଠକ ଦ୍ୱାରା ସେନାମୁଖ୍ୟ ୱାକର ଜମାଁଙ୍କୁ ଦୁର୍ବଳ କରିବାର ପ୍ରୟାସ କରାଯାଉଛି ବୋଲି ଜମାଁଙ୍କ ସମର୍ଥକ ଓ ବିଶ୍ଲେଷକ ଭାବୁଛନ୍ତି। ଏହା ବ୍ୟତୀତ ଏହି ଅବିଶ୍ୱାସର ଆଉ ଏକ କାରଣ ରହିଛି । ଶେଖ୍ ହସିନାଙ୍କ ସମୟରେ ୱାକରଙ୍କୁ ନିଯୁକ୍ତି ଦିଆଯାଇଥିଲା। ତାଙ୍କ ପତ୍ନୀ ମଧ୍ୟ ହସିନାଙ୍କ ସମ୍ପର୍କୀୟ ଭାଇ। ଦୁଇ ପରିବାର ମଧ୍ୟରେ ପୁରୁଣା ସମ୍ପର୍କ ମଧ୍ୟ ୟୁନୁସ୍ ଏବଂ ଜମାଁଙ୍କ ମଧ୍ୟରେ ଅବିଶ୍ୱାସ ସୃଷ୍ଟି କରୁଛି।
ପାକିସ୍ତାନକୁ ସନ୍ଦେହ କଲେ ଜମାନ
ବାଂଲାଦେଶ ସେନା ମୁଖ୍ୟଙ୍କ ସବୁଠାରୁ ବଡ଼ ଭୟ ହେଉଛି ପାକିସ୍ତାନୀ ସେନା ରାଜନୈତିକ ପ୍ରତିନିଧିଙ୍କ ଜରିଆରେ ତାଙ୍କ ଦେଶର ଆଭ୍ୟନ୍ତରୀଣ ବ୍ୟାପାରରେ ହସ୍ତକ୍ଷେପ କରିପାରିବ। ଜମାନଙ୍କ ସ୍ଥାନରେ ଲେଫ୍ଟନାଣ୍ଟ ଜେନେରାଲ ମହମ୍ମଦ ଫୈଜୁର ରେହମାନଙ୍କୁ ନୂଆ ସେନାମୁଖ୍ୟ ଭାବେ ନିଯୁକ୍ତି ଦିଆଯିବ ବୋଲି ଚର୍ଚ୍ଚା ହେଉଛି। ରେହମାନ ତାଙ୍କ କଠୋର ଆଭିମୁଖ୍ୟ ପାଇଁ ଜଣାଶୁଣା । ତାଙ୍କୁ ପାକିସ୍ତାନୀ ସେନାର ପସନ୍ଦ ବୋଲି ବିବେଚନା କରାଯାଏ। ଏହା ଦ୍ୱାରା ଲୋକଙ୍କ ଚିନ୍ତା ବଢିବା ନିଶ୍ଚିତ । ଯଦି ଏହା ହୁଏ ତେବେ ବାଂଲାଦେଶ ସେନା ଉପରେ ପାକିସ୍ତାନର ସିଧାସଳଖ ହସ୍ତକ୍ଷେପ ରହିବ ।
ୱାକାର ଉଜ୍ ଜମାଁ ଅନେକ ଥର କହିଛନ୍ତି ଯେ ସେ ଦେଶରେ ଆଗୁଆ ନିର୍ବାଚନ ଚାହୁଁଛନ୍ତି। ଅନ୍ୟପକ୍ଷରେ ୟୁନୁସଙ୍କ ଆଭିମୁଖ୍ୟ ହେଉଛି ନିର୍ବାଚନକୁ ସ୍ଥଗିତ ରଖିବା, ଯାହାକୁ ନେଇ ଶେଖ୍ ହସିନାଙ୍କ ପ୍ରତିଦ୍ୱନ୍ଦ୍ୱୀ ବିଏନ୍ ପି ମଧ୍ୟ ପ୍ରଶ୍ନ ଉଠାଇଛି। ଜମାଁ ନିର୍ବାଚନ ପାଇଁ ପ୍ରତିଶ୍ରୁତି ଦେଇଥିଲେ, ତେଣୁ ସେ ଏହି ପ୍ରତିଶ୍ରୁତି ପୂରଣ କରୁଥିବା ଦେଖିବାକୁ ଚାହୁଁଛନ୍ତି। ବାଂଲାଦେଶ ସେନାର ଭାବମୂର୍ତ୍ତିକୁ ନେଇ ଚିନ୍ତିତ ଅଛନ୍ତି ଜମାଁ । ସେମାନେ ଅନୁଭବ କରୁଛନ୍ତି ଯେ ଦେଶ ସମ୍ମୁଖୀନ ହେଉଥିବା ଆହ୍ୱାନ ମଧ୍ୟରେ ନିଷ୍କ୍ରିୟତା ଯୋଗୁଁ ସେନାର ଭାବମୂର୍ତ୍ତି ଖରାପ ହୋଇଛି ।
ବାଂଲାଦେଶରେ ସେନା ଓ ସରକାରଙ୍କ ମଧ୍ୟରେ ବଢୁଥିବା ଉତ୍ତେଜନା ଦେଶର ରାଜନୈତିକ ସ୍ଥିରତାକୁ ମଧ୍ୟ ପ୍ରଭାବିତ କରୁଛି । ଆଗାମୀ ଦିନରେ ଯଦି ୟୁନୁସ ଓ ଜେନେରାଲ ଜମାଁଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୁଏ ତେବେ ଏହା ଦେଶକୁ ଏକ ନୂଆ ଅନିଶ୍ଚିତତା ଭିତରକୁ ଟାଣିପାରେ । ଏଭଳି ସ୍ଥିତିରେ ବାଂଲାଦେଶର ରାଜନୀତି ଦୃଷ୍ଟିରୁ ଆଗାମୀ କିଛି ଦିନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହେବାକୁ ଯାଉଛି।
