କମ୍ ବିପଦରେ ଭଲ ରିଟର୍ଣ୍ଣ ଚାହୁଁଥିବା ନିବେଶକଙ୍କ ପାଇଁ SIP ଅର୍ଥାତ୍ ସିଷ୍ଟମେଟିକ୍ ନିବେଶ ଯୋଜନା ଲାଭଦାୟକ। ଏଥିରେ ଜଣେ ନିବେଶକଙ୍କୁ ଏକକାଳୀନ ନିବେଶ କରିବାକୁ ପଡେ ନାହିଁ। ଏଭଳି ନିବେଶକ ଯାହାଙ୍କ ପାଖରେ ଏକାଥରେ ନିବେଶ ପାଇଁ ଅଧିକ ଟଙ୍କା ନାହିଁ,ସିଏ ଏଥିରେ ଅଳ୍ପ ଅଳ୍ପ କରି ନିବେଶ କରିପାରିବେ। ଆଉ ଏହା ଏକକାଳୀନ ନିବେଶ ତୁଳନାରେ ବେଳେବେଳେ ଅଧିକ ଲାଭ ମଧ୍ୟ ଦେଇଥାଏ। କାରଣ ଏଥିରେ ଆପଣ ବଜାର ତଳକୁ ଖସିଥିବା ବେଳେ କମ ଟଙ୍କାରେ ଅଧିକ ସେୟାର କିଣି ପାରନ୍ତି ବା ଆଭରେଜ୍ କରି ପାରନ୍ତି।
SIPର ଲାଭ
ହାରାହାରି ପୁଂଜି ନିବେଶର ଲାଭ : SIPରେ ନିବେଶ କରିବା ଦ୍ୱାରା ଆପଣଙ୍କୁ ଟଙ୍କା ଉପରେ ହାରାହାରି ଲାଭ ମିଳିଥାଏ। ଯେତେବେଳେ ବଜାର ମାନ୍ଦା ଥାଏ, ଆପଣ କମ୍ ମୂଲ୍ୟରେ ଅଧିକ ୟୁନିଟ୍ ପାଆନ୍ତି, ଏବଂ ଯେତେବେଳେ ବଜାର ଉପରକୁ ଥାଏ, ଆପଣ ଅଧିକ ମୂଲ୍ୟରେ କମ୍ ୟୁନିଟ୍ ପାଆନ୍ତି।
ନିବେଶ: SIPରେ, ଆପଣ ପ୍ରତି ମାସରେ ଏକ ନିର୍ଦ୍ଦିଷ୍ଟ ପରିମାଣର ନିବେଶ କରନ୍ତି, ବଜାର ବୁଲିସ୍ ହେଉ କି ମାନ୍ଦା ହେଉ। ଏହା ଆପଣଙ୍କୁ ଦୀର୍ଘକାଳୀନ ନିବେଶ ଏବଂ ଆପଣଙ୍କର ଆର୍ଥିକ ଲକ୍ଷ୍ୟ ହାସଲ କରିବାରେ ସାହାଯ୍ୟ କରେ।
କମ୍ ବିପଦ: SIPରେ ନିବେଶ କରିବା ଦ୍ଵାରା ଆପଣଙ୍କର ବିପଦ ହ୍ରାସ ପାଇଥାଏ। ଏକାଥରକେ ବହୁତ ଟଙ୍କା ନିବେଶ କରିବା ପରିବର୍ତ୍ତେ, ଆପଣ ଛୋଟ ପରିମାଣରେ ନିବେଶ ଆରମ୍ଭ କରିପାରିବେ। ଏହି କାରଣରୁ, ବଜାରର ଉତ୍ଥାନ-ପତନ ଆପଣଙ୍କ ନିବେଶ ଉପରେ କମ୍ ପ୍ରଭାବ ପକାଏ।
ଭଲ ରିଟର୍ଣ୍ଣ: SIPରେ ନିବେଶ କରିବା ଦ୍ୱାରା ଆପଣ ଦୀର୍ଘକାଳୀନ ଭାବରେ ଭଲ ରିଟର୍ଣ୍ଣ ପାଇପାରିବେ।
SIP ରେ କିପରି ନିବେଶ କରିବେ
SIPରେ ନିବେଶ କରିବା ବହୁତ ସହଜ। ଆପଣ ଯେକୌଣସି ମ୍ୟୁଚୁଆଲ୍ ଫଣ୍ଡ ହାଉସ୍ କିମ୍ବା ଅନଲାଇନ୍ ପ୍ଲାଟଫର୍ମ ମାଧ୍ୟମରେ SIPରେ ନିବେଶ କରିପାରିବେ। ଆପଣଙ୍କୁ କେବଳ ଏକ SIP ଆକାଉଣ୍ଟ ଖୋଲିବାକୁ ପଡିବ ଏବଂ ଆପଣଙ୍କର ପସନ୍ଦିତ ମ୍ୟୁଚୁଆଲ୍ ଫଣ୍ଡ ଯୋଜନା ଚୟନ କରିବାକୁ ପଡିବ, ତା’ପରେ ଆପଣ ଆପଣଙ୍କର ନିବେଶ ପରିମାଣ ଏବଂ ସମୟ ସ୍ଥିର କରିପାରିବେ।
ଆପଣଙ୍କର ଆର୍ଥିକ ଲକ୍ଷ୍ୟ ନିର୍ଣ୍ଣୟ କରନ୍ତୁ: SIPରେ ନିବେଶ କରିବା ପୂର୍ବରୁ, ଆପଣଙ୍କର ଆର୍ଥିକ ଲକ୍ଷ୍ୟ, ଆପଣ କ’ଣ ପାଇଁ ନିବେଶ କରୁଛନ୍ତି ଏବଂ କେଉଁ ସମୟ ମଧ୍ୟରେ ଆପଣଙ୍କୁ ସେହି ଲକ୍ଷ୍ୟ ହାସଲ କରିବାକୁ ପଡିବ ତାହା ଜାଣନ୍ତୁ। ଆପଣ କେତେ ବିପଦ ନେଇପାରିବେ ତାହା ଜାଣିବା ମଧ୍ୟ ଗୁରୁତ୍ୱପୂର୍ଣ୍ଣ। ଆପଣଙ୍କ ଆର୍ଥିକ ଲକ୍ଷ୍ୟ ଏବଂ ବିପଦ ଗ୍ରହଣ କ୍ଷମତା ଅନୁସାରେ ସଠିକ୍ ମ୍ୟୁଚୁଆଲ୍ ଫଣ୍ଡ ଯୋଜନା ବାଛନ୍ତୁ।
ଆପଣଙ୍କର ନିବେଶ ପରିମାଣ ଏବଂ ସମୟ: ଆପଣ ପ୍ରତି ମାସରେ କେତେ ନିବେଶ କରିପାରିବେ, ଏବଂ ଆପଣ କେତେ ଦିନ ପାଇଁ ନିବେଶ କରିବାକୁ ଚାହାଁନ୍ତି? ଏବାବଦରେ ସ୍ପଷ୍ଟ ପ୍ରଶ୍ନ ନିଜକୁ ପଚାରନ୍ତୁ ଓ ଉତ୍ତର ପାଇବା ପରେ ନିବେଶ କରନ୍ତୁ।
