ଚାମ୍ପିଆନ୍ସ ଟ୍ରଫି ୨୦୨୫ର ମହାମୁକାବିଲାରେ ଭାରତୀୟ କ୍ରିକେଟ ଟିମ୍ କୁ ୨୨ ପଣ୍ଡିତ ବିଜୟ କରାଇଛନ୍ତି । ଏହି ୨୨ ପଣ୍ଡିତଙ୍କୁ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ ହାୟର କରିଛି । ଆଉ ଭାରତୀୟ ଦଳ ପହଂଚିବା ପୂର୍ବରୁ ସେମାନେ ସେମାନେ ପଡ଼ିଆରେ କଳାଯାଦୁ କରିଥିଲେ । ଏହାପରେ ୨୨ ପଣ୍ଡିତ ମିଶି ପାକିସ୍ତାନର ୧୧ ଖେଳାଳୀଙ୍କୁ ଅନ୍ୟମନସ୍କ କରାଇଥିଲେ । ଏବଂ ଭାରତୀୟ ଦଳକୁ ଜିତାଇଥିଲେ । ପାକିସ୍ତାନ କ୍ରିକେଟ ଦଳର ପରାଜୟ ପରେ ଏଭଳି କିଛି ହାସ୍ୟାସ୍ପଦ ଟିପ୍ପଣୀ ପାକିସ୍ତାନର ନ୍ୟୁଜ ଚ୍ୟାନେଲରେ ଦେକିବାକୁ ମିଳୁଛି । ସେଠାକାର ପ୍ୟାନେଲ ଅନୁଯାୟୀ ଭାରତୀୟ ଦଳ ପାକିସ୍ତାନକୁ ହରାଇବା ପାଇଁ ପିଚରେ କଳାଯାଦୁ କରାଯାଇଛି ଏବଂ ହାର୍ଦ୍ଦିକ ପାଣ୍ଡ୍ୟା ଗୋଟିଏ ଝଟକାରେ ମ୍ୟାଚର ସ୍ଥିତି ବଦଳାଇ ଦେଇଛନ୍ତି ।
ପ୍ରକୃତରେ ଏକ ପାକିସ୍ତାନୀ ନ୍ୟୁଜ୍ ଚ୍ୟାନେଲ ଡିସ୍କଭର ପାକିସ୍ତାନ ଟିଭିରେ ୬ ଜଣଙ୍କ ଭିତରେ ଚାଲିଥିବାଏକ ପ୍ୟାନେଲରେ ସେମାନେ ନିଜ ନିଜ ମଧ୍ୟରେ କଥାବାର୍ତ୍ତା ହେଉଥିବାର ଦେଖାଯାଉଛି। ଭିଡିଓରେ, ଜଣେ ପ୍ୟାନେଲିଷ୍ଟ ଦାବି କରୁଛନ୍ତି ଯେ ଭାରତ ୨୨ ଜଣ ପଣ୍ଡିତଙ୍କୁ ନିଯୁକ୍ତି ଦେଇଛି, ଯେଉଁମାନେ ଭାରତର ବିଜୟ ସୁନିଶ୍ଚିତ କରିବା ପାଇଁ ପାକିସ୍ତାନ ଦଳ ଉପରେ କଳାଯାଦୁ କରୁଛନ୍ତି। ଏହି କାରଣରୁ ଭାରତୀୟ ଦଳ ପାକିସ୍ତାନ ଆସି ନଥିଲା। ସେମାନଙ୍କୁ ପାକିସ୍ତାନରେ ସହଜରେ ପ୍ରବେଶ ମିଳେ ନାହିଁ, କିନ୍ତୁ ଭାରତ ପାଇଁ ଦୁବାଇରେ ଏହା କରିବା ସହଜ।
କେବଳ ଏତିକି ନୁହେଁ, ଆଉ ଜଣେ ବ୍ୟକ୍ତି ମଧ୍ୟ ଦାବି କରିଛନ୍ତି ଯେ ୭ ଜଣ ପଣ୍ଡିତ ପୂର୍ବରୁ ଷ୍ଟାଡିୟମରେ ପହଞ୍ଚି ଯାଦୁବିଦ୍ୟା ଅଭ୍ୟାସ ଆରମ୍ଭ କରିଥିଲେ । ଏହା ଉପରେ, ଜଣେ ମହିଳା ଆଙ୍କର ହାର୍ଦ୍ଦିକ ପାଣ୍ଡ୍ୟାଙ୍କ ପାଇଁ ଅପମାନଜନକ ଭାଷା ବ୍ୟବହାର କରୁଛନ୍ତି ଏବଂ କହୁଛନ୍ତି ଯେ ଏ ସବୁ ଚାଲ ଆମ ବିରୁଦ୍ଧରେ କାମ କରିବ ନାହିଁ। ଏପରି ହାସ୍ୟାସ୍ପଦ କଥା କହିବା ସମୟରେ, ସେମାନେ ନିଜ ନିଜ ମଧ୍ୟରେ ନିଷ୍ପତ୍ତି ନେଇ ପାକିସ୍ତାନ ପାଇଁ ପ୍ରାର୍ଥନା କରୁଛନ୍ତି।
ଅନ୍ୟପକ୍ଷରେ, ପାକିସ୍ତାନ ଅଧିନାୟକ ମହମ୍ମଦ ରିଜୱାନ ମଧ୍ୟ ମ୍ୟାଚ୍ ହାରିବା ପରେ ଷ୍ଟାଡିୟମରେ ବସି ପ୍ରାର୍ଥନା କରୁଥିବାର ଦେଖାଯାଇଥିଲା। ଏହି ମୁହୂର୍ତ୍ତର ଭିଡିଓ ଭାଇରାଲ ହେଉଛି, ଯେଉଁଥିରେ ୱାହାବ ରିଆଜ, ଆକାଶ ଚୋପ୍ରା ଏବଂ ସୁରେଶ ରୈନା ମଧ୍ୟ ଏହା ବିଷୟରେ କଥା ହେଉଛନ୍ତି।
ଉଲ୍ଲେଖନୀୟ ଯେ ଭାରତୀୟ ଦଳ ପାକିସ୍ତାନ ଦେଇଥିବା ୨୪୨ ରନ୍ ଟାର୍ଗେଟକୁ ସହଜରେ ହାସଲ କରିଥିଲା। ଟିମ୍ ଇଣ୍ଡିଆ ପକ୍ଷରୁ କୁଲଦୀପ ଯାଦବ ୩ଟି ୱିକେଟ୍ ନେଇଥିବା ବେଳେ ହାର୍ଦ୍ଦିକ ପାଣ୍ଡ୍ୟା ୨ଟି ୱିକେଟ୍ ନେଇଥିଲେ। ଏହା ପରେ ଶୁଭମନ ଗିଲ ୪୬ ରନର ଇନିଂସ ଖେଳିଥିଲେ ଏବଂ ବିରାଟ କୋହଲି ଅପରାଜିତ ୧୦୦ ରନ କରିଥିଲେ। ତାଙ୍କ ବ୍ୟତୀତ ଶ୍ରେୟସ ଆୟର ୫୬ ରନର ଏକ ଗୁରୁତ୍ୱପୂର୍ଣ୍ଣ ଇନିଂସ ଖେଳିଥିଲେ। ଭାରତ ମାର୍ଚ୍ଚ ୨ରେ ନ୍ୟୁଜିଲାଣ୍ଡ ବିପକ୍ଷରେ ଟୁର୍ଣ୍ଣାମେଣ୍ଟର ଶେଷ ମ୍ୟାଚ୍ ଖେଳିବାର କାର୍ଯ୍ୟକ୍ରମ ରହିଛି।
